অৰুণাচল প্ৰদেশৰ সৈতে সীমান্ত বিবাদ
অসমে অৰুণাচল প্ৰদেশৰ সৈতে ৮০৪.১০ কিলোমিটাৰ দৈৰ্ঘ্যৰ আন্তঃৰাজ্যিক সীমান্ত ভগাই লৈছে। অসম-অৰুণাচল প্ৰদেশৰ সীমান্তৰ দ্বন্দ্ব সমাধান কৰিবলৈ মূল মোকৰ্দমা নম্বৰ ১/১৯৮ৰ এটা মোকৰ্দমা ভাৰতৰ উচ্চতম ন্যালায়ত নথীভুক্ত হৈ আছে। এতিয়া এই মোকৰ্দমাটো বিচাৰাধীন হৈ আছে।
অসম-নাগালেণ্ড সীমান্ত বিবাদ
অসম চৰকাৰে চুবুৰীয়া ৰাষ্ট্ৰ নাগালেণ্ডৰ দ্বাৰা অবৈধক অগ্ৰাসনৰ পৰা সীমান্ত সুৰক্ষা কৰিবলৈ সকলো প্ৰয়োজনীয় আৰু যথোপযুক্ত পদক্ষেপ গ্ৰহণ কৰি আহিছে। এই সীমান্ত অঞ্চলসমূহত বসবাস কৰা ব্যক্তিসকলৰ জীৱন আৰু সম্পত্তিৰ সুৰক্ষাৰ বাবেও তদানুৰূপ সচেতন প্ৰচেষ্টা চলাই থকা হৈছে। মানুহখিনিক সকলো প্ৰাথমিক সুযোগ সুবিধা প্ৰদান কৰাৰ বাবে বহুতো উন্নয়নমূলক আঁচনি গ্ৰহণ কৰা হৈছে। সীমান্তৰ সকলো ঘটনাৰ শীঘ্ৰে সুনিশ্চিত কৰিবলৈ ব্যৱস্থা লোৱা হয় যাতে এইসমূহে কোনো গুৰুতৰ আইন-শৃংখলা জাতীয় সমস্যা বৃদ্ধি কৰিব নোৱাৰে। এই অঞ্চলসমূহত বসবাস কৰা সাধাৰণ মানুহৰ সা-সম্পত্তিৰ নিৰাপত্তা, সুৰক্ষা আৰু শান্তি সুনিশ্চিত কৰাৰ উদ্দেশ্যে স্থানীয় জিলা প্ৰশাসনৰ দ্বাৰা উচ্চ পৰ্যায়ৰ সতৰ্কতা বজাই ৰাখিবলৈ প্ৰচষ্টা চলোৱা হয়। অসমৰ ৰাজহ আৰু বন বিভাগৰ দ্বাৰা যেতিয়া যিদৰে প্ৰয়োজন হয়, সেইদৰে উচ্ছেদ অভিযান চলোৱা হয়। সীমান্তত বসবাস কৰা ব্যক্তিসকলক একেলগ কৰিবলৈ চৰকাৰে প্ৰতিখন জিলাতে সীমান্তৰ সিপাৰৰ সহযোগী জিলাৰ সহায়ত সীমান্ত বিস্তৃতি অনুষ্ঠান সূচনা কৰিছে যত সাংস্কৃতিক, সামাজিক, সংগীত আৰু খেলা-ধূলা অন্তৰ্ভুক্ত হৈ আছে। ইয়াত উপায়ুক্তসকল, আৰক্ষী অধীক্ষকসকল, সন্মানীয় বিধায়কসকল, PRI বিষয়াসকল আৰু সাধাৰণ জনতাই প্ৰৱল উত্সাহেৰে অংশগ্ৰহণ কৰিছে আৰু এনে ধৰণৰ অনুষ্ঠানসমূহে বহুতো শুভ ইচ্ছাৰ সৃষ্টি কৰিছে।
অসম চৰকাৰে সীমান্তৰ চিহ্নিতকৰণং আৰু নাগালেণ্ডৰ সৈতে সীমা সমস্যা সমাধান আৰু অসমৰ নিয়মতান্ত্ৰিক সীমান্তৰ ভিতৰৰ অঞ্চলসমূহত নাগালেণ্ড ৰাজ্যৰ অগ্ৰাসন নিয়ন্ত্ৰণৰ স্থায়ী নিৰ্দেশ প্ৰদান কৰা আৰু এয়া ঘোষণা কৰা যে দখলীকৃত অঞ্চলসমূহৰ ন্যায়সংগত স্বত্ত্বাধিকাৰী হল অসম ৰাজ্য আৰু সেই অঞ্চলসমূহৰ অধিকাৰ হস্তান্তৰ কৰিবলৈ নাগালেণ্ড চৰকাৰক নিৰ্দেশ দিবৰ বাবে সন্মানীয় উচ্চতম ন্যায়ালয়ত মূল মোকৰ্দমা নং ২/১৯৮৮ ৰুজু কৰিছে। বিষয়টো এতিয়া ভাৰতৰ উচ্চতম ন্যায়ালয়ত বিচাৰৰ পৰ্যায়ত আছে।
মেঘালয়ৰ সৈতে সীমান্ত বিবাদ
মেঘালয়ৰ সৈতে সীমান্ত সংঘাতৰ প্ৰতি লক্ষ্য ৰাখি এটি পৰস্পৰ গ্ৰহণ যোগ্য সমাধান আনিবৰ বাবে দ্বিপাক্ষিক পৰ্যায়ত সকলো ধৰণৰ প্ৰচেষ্টা চলাই থকা হৈছে। ভাৰত চৰকাৰৰ আদেশ মৰ্মে, অসম-মেঘালয় সীমান্তৰ দ্বন্দ্বৰ বাবে দুয়োখন ৰাজ্যৰ পৰাই সংযোগী বিষয়াসকলক নিয়োগ কৰা হৈছে। দুয়োখন ৰাজ্যৰে সীমান্তৰ সমস্যাসমূহৰ সমাধানৰ বাবে আৰু ৰাজ্য দুখনৰ মাজত থকা পাৰ্থক্য হ্ৰাসকৰণৰ বাবে সময়ে সময়ে সংযোগী বিষয়াসকলৰ সভাসমূহ অনুষ্ঠিত হৈ থাকে। অসম আৰু মেঘালয়ৰ মুখ্যমন্ত্ৰী দুগৰাকীৰ মাজত অন্তিমখন সভা ১-৪-২০১৭ তাৰিখে অনুষ্ঠিত হৈছিল।
অসম-মিজোৰাম সীমান্ত বিবাদ
অসম-মিজোৰাম আন্তঃৰাজ্যিক সীমান্তৰ দৈৰ্ঘ্য হল ১৬৪.৬ কিলোমিটাৰ (উত্স – ভাৰতৰ সমীক্ষা) আৰু ই অসমৰ কাছাৰ, হাইলাকান্দি আৰু কৰিমগঞ্জ জিলা স্পৰ্শ কৰি আছে।
সীমান্ত সম্পৰ্কত মিজোৰাম ৰাজ্যৰ সৈতে তেনে ধৰণৰ কোনো বৃহত্ সংঘাত নাই। ১৯৩৩ চনৰ ৯ মাৰ্চত অধিসূচনা নং ২১০৬ APৰ অধীনত সীমান্ত অধিসূচিত হৈ আছে।
২০১৪ চনৰ ২৪ ছেপ্তেম্বৰ তাৰিখে মেঘালয়ৰ শ্বিলঙত অসম আৰু মিজোৰামৰ বিষয়াসকলৰ মাজত এখন সভা অনুষ্ঠিত হৈছিল, যত অসম-মিজোৰামৰ সীমান্তৰ পাৰে পাৰে স্থিতাৱস্থা বাহাল ৰাখিবলৈ সন্মতি প্ৰদান কৰা হৈছে।
